ܡܫܘܬܦܠܗ ܡܝܩܪܐ “ܟܠܕܘܿ ܪܡܙܝـܼ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܓܘ ܦܘܬܚܐ ܕܥܕܥܐܕܐ ܕܡܪܝ ܓܝܘܪܓܝܣ ܫܬܝܬܝܐ ܓܘ ܕܝܢܐ ܗܘ ܛܥܢܗ ܫܡܐ ܕ( ܥܠܝܡܝ̈ܢ ܕܥܬܕܝܢ) ، ܒܪܡܫܐ ܕܬܠܬܒܫܒܐ 23 / ܐܒ / 2022 .
ܒܛܘܝܒܐ ܕܡܪܘܬܗ ܕܡܝܛܪܦܘܠܝܛܐ ܡܪܝ ” ܐܒܪܣ ܝܘܚܢܐ” ܐܦܣܩܘܦܐ ܕܕܝܢܐ ܘܟܪܟܘܟ ܘܬܚܠܘܦܐ ܦܛܪܝܪܟܝܐ ܕܥܕܬܐ ܕܡܕܢܚܐ ܕܐܬܘܪ̈ܝܐ ، ܘ”ܗܠܓܘܿܪܕ ܫܝܟܼ ܢܓ̰ܝܼܒܿ” ܚܝܘܪܐ ܕܡܕܒܪܢܘܬܐ ܕܣܘܪܢ ܩܝܡܬܐ ܒܝܬܗܿ.
ܫܘܪܐܠܗ ܙܘܝܚܐ ܕܦܘܬܚܐ ܒܥܒܪܬܐ ܕܝܗܠ̈ܐ ܡܫܘܬܦ̈ܐ ܓܘ ܥܕܥܐܕܐ ܘܒܬܪ ܗܕܟ ܟܠܝܬܐ ܕܚܕ ܕܩܝܩܐ ܕܫܬܩܐ ܥܠ ܪ̈ܘܚܬܐ ܕܣܗܕ̈ܐ. ܘܒܬܪ ܗܕܟ ܡܘܩܪܒܠܗ ܡܥܠܝܘܬܗ ܐܦܣܩܘܦܐ ܡܪܝ ” ܐܒܪܣ ܝܘܚܢܐ” ܡܡܠܐ ܕܦܘܬܚܐ ، ܘܒܬܪ ܗܕܟ ܡܘܩܪܒܠܗ ܡܝܩܪܐ ” ܗܠܓܘܿܪܕ ܫܝܟܼ ܢܓ̰ܝܼܒܿ” ܡܕܒܪܢܐ ܕܡܕܒܪܢܘܬܐ ܕܣܘܪܢ ܚܕ ܡܡܠܗ ܒܗܢ ܦܘܪܣܐ، ܘܚܬܡܠܗ ܩܫܝܫܐ “ܝܬܪܘܢ ܝܘܢܢ ܕܘܝܕ” ܪܥܝܐ ܕܥܕ̈ܬܐ ܕܕܝܢܐ ܘܗܘܕܝܢ ܘܒܝܕܝܠ.
ܘܡܘܩܪܒܠܗ ܐܒܐ “ܝܬܪܘܢ ܝܘܢܢ” ܟܗܢܐ ܕܕܝܢܐ ܘܗܘܕܝܢ ܘܒܝܕܝܠ ܩܘܒܠܛܝܒܘܬܐ ܪܒܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܠܟܠܝܗܝ ܓܢ̄ܒܢ̈ܐ ܡܫܘܬܦ̈ܐ ܓܘ ܣܢܕܬܐ ܘܢܨܝܚܘܬܐ ܕܥܕܥܐܕܐ .
