ܩܝܡܠܗ ܘܙܝܪ ܡܪܕܘܬܐ ܘܥܠܝܡ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ” ܚܡܝ ܚܡܐ ܣܥܝܕ”، ܝܘܡ ܚܕܒܫܒܐ 3 ܐܕܪ 2024، ܒܡܝܩܪܢܘܬܐ ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܒܚܕ ܟܬܒܐ ܕܩܘܒܠܛܝܒܘܬܐ ܘܐܝܩܪܐ ܠܛܝܡܢܬܐ ܠܦܘܠܚܢ̈ܗ ܒܥܒܕܬܐ ܕܟܫܝܪ̈ܘܬܐ ܡܪ̈ܕܘܬܢܝܐ ܘܓܪܗ ܝܗ̄ܒܢܐ ܓܘ ܚܩܠܐ ܡܪܕܘܬܢܝܐ ܣܘܪܝܝܐ ܒܓܘܝ̈ܐ ܘܒܪ̈ܝܐ ܕܩܠܝܡܐ ܕܟܘܪܕܣܬܢ.
ܘܐ̄ܬܝܠܗ ܒܟܬܒܐ ( ܦܨܚܘܬܐܝܠܗܿ ܕܡܩܪܒܚܠܘܟܢ ܩܘܒܠܛܝܒܘܬܢ ܘܐܝܩܪܢ ܘܡܛܝܡܢܚ ܥܡܠܘ̈ܟܢ ܠܟܠ ܡܐ ܕܡܩܪܒܝܬܘܢ ܡܢ ܦܘܠܚܢ̈ܐ ܒܥܒܕܬܐ ܕܟܫܝܪ̈ܘܬܐ ܒܓܘܝ̈ܐ ܘܒܪ̈ܝܐ ܕܩܠܝܡܐ ܕܟܘܪܕܣܬܢ، ܡܛܝܡܢܚ ܦܘܠܚܢܘܟܢ ܘܥܡܠܘܟܢ ܪܒܐ ܘܛܠܒܚ ܛܠܘܟܢ ܡܢܬܝܬܐ ܘܢܨܝܚܘܬܐ ܐܡܝܢܝܬܐ).
ܘܦܝܫ ܕܟܝܪܐ، ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܡܬܚܐ ܕܬܪܬܝ ܫܢ̈ܐ ܥܒܝܪ̈ܐ ܘܒܬܪ ܫܩܠܬܐ ܕ” ܐܘܓܼܢܐ” ܕܪܓܐ ܕܡܕܒܪܢܐ ܓܘܢܝܐ ܒܪܐܠܗ ܓܘܗܿ ܫܘܚܠܦܐ ܐܕܫܢܝܐ ܒܥܒܕܬܐ ܘܛܟܣܬܐ ܕܟܫܝܪ̈ܘܬܐ ܡܪ̈ܕܘܬܢܝܐ ܘܥܕܥܐܕ̈ܐ ܥܡܡܝ̈ܐ ܘܐܡܢܝ̈ܐ ܣܘܪ̈ܝܝܐ ܓܪܫܠܗ ܒܓܘܝܗܝ ܡܨܝ̈ܬܐ ܐܡܢܝ̈ܐ ܡܢ ܓܘܝ̈ܐ ܘܒܪ̈ܝܐ ܕܐܬܪܐ.
