ܣܥܪܗ ܡܝܩܪܐ “ܟܠܕܘ ܪܡܙܝ ܐܘܓܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ. ܩܢܨܠܝܘܬܐ ܐܪܡܝܢܝܬܐ ܒܐܪܒܝܠ، ܥܡ “ܦܘܐܕ ܒܒܟܐ” ܡܕܒܪܢܐ ܕܡܕܒܪܢܘܬܐ ܘܝܬܢܝܘܬܐ، ܘ”ܕܠܐܘܪ ܡܪܩܘܣ” ܡܫܬܐܠܢ̈ܐ ܕܐܣܘܪ̈ܐ. ܘܝܗܘܐ ܒܣܩܒܠܬܝܗܝ ” ܐܪܫܐܟ ܡܐܢܘܟܝܐܢ” ܩܢܨܠܐ ܐܪܡܝܢܝܐ ܓܘܢܝܐ ܘܫܕܬܢ̈ܐ ܪ̈ܒܐ ܕܩܢܨܠܝܘܬܐ، ܒܪܡܫܐ ܕܐܪܒܥܒܫܒܐ 14 ܟܢܘܢ ܩܕܡܝܐ 2022.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܓܘ ܬܦܩܬܐ ܡܝܕܥܬܐ ܕܓܢ̄ܒܐ ܐܪܡܝܢܝܐ ܒܡܕܒܪܢܘܬܐ ܓܘܢܝܬܐ ܕܡܪܕܘܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܘܓܪܗܿ ܥܒܘܕܐ ܓܘ ܙܘܥܐ ܡܪܕܘܬܢܝܐ ܣܘܪܝܝܐ ܒܐܣܟܝܡܐ ܕܝܠܢܝܐ، ܘܓܘ ܩܠܝܡܐ ܒܐܣܟܝܡܐ ܓܘܢܝܐ ، ܘܛܘܟܣܗܿ ܠܟܫܝܪ̈ܘܬܐ ܘܥܒܘܕܘ̈ܬܐ ܚܒܫܝ ܪܒܐ ܡܢ ܡܕܝܢ̈ܬܐ ܕܩܠܝܡܐ ܠܐ ܓܘ ܐܪܒܝܠ ܐܘ ܥܢܟܒܐ ܒܠܚܘܕ. ܘܐܦ ܗܕܟ ܕܪܫܠܗܘܢ ܫܒܝܠ̈ܐ ܕܥܘܕܪܢܐ ܡܫܘܬܦܐ ܘܡܘܥܒܪܗ ܩܢܨܠܐ ܐܪܡܝܢܝܐ ܠܛܘܝܒܝܗܝ ܓܘ ܛܘܟܣܐ ܕܟܫܝܪ̈ܘܬܐ ܡܫܘܬܦ̈ܐ ܒܝܢܬ ܬܪܘܝܗܝ ܓܢ̄ܒܢ̈ܐ .
