ܡܪܕܘܬܐ ܣܘܪܝܝܬܐ ܡܩܪܒܐ ܗܘܢܝ̈ܐ ܠܚܘܝܕܐ ܕܣܦܪ̈ܐ ܘܣܝܘܡ̈ܐ ܣܘܪ̈ܝܝܐ ܒܢܨܝܚܘܬܐ ܕܠܘܡܕܗ ܕܓܘܒܝ̈ܐ

ܡܘܩܪܒܠܗ ܡܝܩܪܐ “ܟܠܕܘ ܪܡܙܝ ܐܘܓܢܐ ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܝܘܡܐ ܕܫܒܬܐ 17 ܟܢܘܢ ܩܕܡܝܐ 2022 ، ܡܘܩܪܒܠܗ ܗܘܢܝ̈ܐ ܠܚܘܝܕܐ ܕܣܦܪ̈ܐ ܘܣܝܘܡ݁ܐ ܣܘܪ̈ܝܝܐ ܗܘ ܕܦܝܫܠܗ ܥܒܝܕܐ ܓܘ ܒܪܛܠܐ ܣܘܪܝܝܬܐ ܒܕܫܬܐ ܕܢܝܢܘܐ، ܘܚܕܬܐ ܕܗܘܡܢܘܬܐ ܓܘ ܣܦܪܐ ” ܪܘܢܕ ܦܘܠܘܣ” ܢܛܪܐ ܓܘܢܝܐ ܕܚܘܝܕܐ، ܘܣܦܪܐ ” ܐܟܕ ܡܘܪܕ” ܚܠܦ ܪܫܐ ܕܚܘܝܕܐ . ܘܡܚܘܬܬܠܗ ܒܝܬ ܥܕܢܐ ܒܛܘܝܒܐ ܕܡܕܒܪܢܘܬܐ ܓܘܢܝܬܐ ܒܐܡܝܢܘܬܐ ܕܥܘܕܪܢܐ ܥܡ ܚܘܝܕܐ ܓܘ ܛܘܟܣܐ ܕܙܘܕܐ ܡܢ ܥܒܘܕܘ̈ܬܐ ܘܟܫܝܪ̈ܘܬܐ ܒܕܥܬܝܕ.
ܘܛܘܝܡܢܗ “ܐܘܓܢܐ” ܓܘ ܗܘܢܝܗ ܠܓܪܐ ܕܣܦܪ̈ܐ ܣܘܪ̈ܝܝܐ ܓܘ ܦܪܣܬܐ ܘܣܢܕܬܐ ܕܡܪܕܘܬܐ ܣܘܪܝܝܬܐ، ܘܚܩܪܗ ܒܟܫܝܪܘܬܐ ܡܒܥܢܬܐ ܕܚܘܝܕܐ ܘܐܡܝܢܘܬܗ ܒܦܘܠܚܢܐ ܒܡܬܚܐ ܕܫܢ̈ܐ ܫܒܘܩ ܡܢ ܟܠܝܗܝ ܥܣܩ̈ܘܬܐ ܕܟܠܝ ܕܪܩܘܒܠܗ، ܘܒܥܐܠܗ ܠܚܘܝܕܐ ، ܪܫܐ ܘܗܕܡ̈ܐ ، ܙܘܕܐ ܡܢ ܡܒܥܢܘܬܐ ܠܬܫܡܫܬܐ ܕܡܪܕܘܬܐ ܘܣܦܪܘܬܐ ܣܘܪܝܝܬܐ.
ܘܦܝܫ ܕܟܝܪܐ، ܕܚܘܝܕܐ ܕܣܦܪ̈ܐ ܘܣܝܘܡ̈ܐ ܣܘܪ̈ܝܝܐ ܩܛܪܗ ، ܝܘܡܐ ܕܥܪܘܒܬܐ ، 17 ܟܢܘܢ ܩܕܡܝܐ 2022 ܠܘܡܕܗ ܕܓܘܒܝ̈ܐ ܓܘ ܐܘܢܐ ܕܩܢܛܪܘܢ ܡܪܕܘܬܢܝܐ ܕܥܕܬܐ ܕܡܪܬܝ ܫܡܘܢܝ ܓܘ ܒܪܛܠܐ ، ܘܦܠܛܐ ܝܗ̄ܘܐ ܚܕܬܐ ܕܗܘܡܢܘܬܐ ܒܣܦܪܐ ” ܪܘܢܕ ܦܘܠܘܣ” ܢܛܪܐ ܓܘܢܝܐ ܕܚܘܝܕܐ ܘܣܦܪܐ “ܐܟܕ ܡܘܪܕ” ܚܠܦ ܪܫܐ ܕܚܘܝܕܐ .