ܡܪܕܘܬܐ ܣܘܪܝܝܬܐ ܡܒܪܟܐ ܐܣܘܪܐ ܟܠܕܝܐ ܬܒܠܝܐ ܒܓܘܒܝܐ ܕܓܘܫܡܐ ܪܫܝܐ ܚܕܬܐ

ܣܥܪܗ ܡܝܩܪܐ ” ܟܠܕܘܿ ܪܡܙܝ ܐܘܿܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܠܡܫܪܝܐ ܕܐܣܘܪܐ ܟܠܕܝܐ ܬܒܠܝܐ ܓܘ ܐܪܒܝܠ ܒܢܝܫܐ ܕܡܩܪܒܬܐ ܕܗܘܢܝ̈ܐ ܒܦܘܪܣܐ ܕܓܘܒܝܐ ܕܓܘܫܡܐ ܪܫܝܐ ܚܕܬܐ ܕܐܣܘܪܐ ، ܒܪܡܫܐ ܕܝܘܡ ܥܪܘܒܬܐ 2 ܟܢܘܢ ܩܕܡܝܐ 2022 ، ܘܝܗ̄ܘܐ ܒܣܩܒܠܬܗ ܡܝܩܪܐ “ܓܘܿܪܐܢ ܥܒܕ ܐܠܓ̰ܒܐܪ” ܪܫܐ ܕܐܣܘܪܐ ܘܗܕܡ̈ܐ ܕܓܘܫܡܐ ܕܡܕܒܪܢܘܬܐ ܕܦܪܥܐ ܕܐܪܒܝܠ.
ܘܡܢ ܓܢ̄ܒܗ ܡܘܩܪܒܠܗ ܪܫܐ ܕܐܣܘܪܐ ܓܘ ܐܪܒܝܠ ܩܘܒܠܛܝܒܘܬܐ ܒܫܡܐ ܕܓܘܫܡܐ ܪܫܝܐ ܚܕܬܐ ܡܓܘܒܝܐ، ܠܡܝܩܪܐ ” ܐܘܿܓܼܢܐ” ܘܡܚܘܬܬܠܗ ܐܝܩܪܐ ܘܫܘܒܗܪܐ ܕܐܣܘܪܐ ܘܛܝܡܢܬܗ ܠܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܐܢܝ ܕܡܘܪܡܠܗܘܢ ܠܡܪܕܘܬܐ ܘܐܡܢ̈ܐ ܡܢ ܚܕ ܓܢ̄ܒܐ، ܘܣܢܕܬܐ ܘܛܘܘܪܐ ܕܠܫܢܢ ܘܝܪܬܘܬܢ ܡܢ ܓܢ̄ܒܐ ܐܚܪܢܐ.
ܘܒܥܐܠܗ ” ܐܘܿܓܼܢܐ” ܠܓܘܫܡܐ ܡܓܘܒܝܐ ܙܘܕܐ ܡܢ ܡܘܗܒܬܐ ܠܬܫܡܫܬܐ ܕܒܢܝ̈ ܥܡܢ ܘܡܚܘܬܬܠܗ ܕܬܪ̈ܥܐ ܕܡܕܒܪܢܘܬܐ ܦܬܝܚܗܐܝܠܗܘܢ ܠܥܘܕܪܢܐ ܥܡ ܐܣܘܪܐ ܒܟܠܝܗܝ ܓܝܓܠ̈ܐ .

Leave a Comment

Your email address will not be published. Required fields are marked *

Share via
Copy link
Powered by Social Snap