ܡܘܩܪܒܠܗ ܡܝܩܪܐ “ܟܠܕܘ ܪܡܙܝ ܐܘܓܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܘܥܡܗ ܡܝܩܪܐ “ܒܪܢܪܕ ܝܘܣܦ” ܡܕܒܪܢܐ ܕܝܪܬܘܬܐ ܘܒܝܬ ܥܬܝܩ̈ܬܐ ܣܘܪܝܝܐ، ܘܡܝܩܪܐ “ܦܘܐܕ ܫܡܥܘܢ” ܡܕܒܪܢܐ ܕܡܕܒܪܢܘܬܐ، ܘܡܝܩܪܐ “ܕܠܐܘܪ ܡܪܩܘܣ” ܡܫܬܐܠܢܐ ܕܐܣܘܪ̈ܐ ܓܘܢܝ̈ܐ، ܡܘܩܪܒܠܗ ܗܘܢܝ̈ܐ ܠܪܫܐ ܘܗܕܡ̈ܐ ܕܓܘܫܡܐ ܕܡܕܒܪܢܘܬܐ ܕܟܢܘܫܬܐ ܕܡܪܕܘܬܐ ܟܠܕܝܬܐ ܒܥܢܟܒܐ ܒܦܘܪܣܐ ܕܕܟܪܐ ܕܥܣܪܝܢ ܘܐܪܒܥܐ ܠܫܘܬܐܣܗܿ، ܒܪܡܫܐ ܕܬܠܬܒܫܒܐ 6 ܟܢܘܢ ܩܕܡܝܐ 2022.
ܘܡܘܩܪܒܠܗܘܢ ܗܕܡ̈ܐ ܕܓܘܫܡܐ ܕܡܕܒܪܢܘܬܐ ܩܘܒܠܛܝܒܘܬܐ ܠܡܗܢܝܢ̈ܐ ܘܡܛܝܡܢܗܘܢ ܠܓܪܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܚܝܠܢܬܐ ܕܙܘܥܐ ܡܪܕܘܬܢܝܐ ܣܘܪܝܝܐ، ܘܡܢ ܓܢ̄ܒܗ ܡܚܘܬܬܠܗ “ܐܘܓܢܐ” ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܟܠܝܗܝ ܘܕܠܐ ܦܘܪܫܢܐ ܘܡܘܥܒܪܗ ܥܠ ܛܘܝܒܐ ܐܡܝܢܝܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ .
