ܡܪܕܘܬܐ ܣܘܪܝܝܬܐ ܡܝܕܥܐ ܠܫܪܝܬܐ ܕܛܘܝܒ̈ܐ ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ

ܡܘܝܕܥܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܒܥܘܕܪܢ ܥܡ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ܠܫܪܝܬܐ ܕܛܘܝܒ̈ܗܿ ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܠܡܬܚܐ ܡܢ 5-8 ܐܝܠܘܠ ܐܬܝܢܐ ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ، ܘܬܚܘܬ ܪܘܫܡܐ ( ܠܫܢܐ ܣܘܪܝܝܐ ܡܪܕܘܬܐ ܝ̄ܠܗ ܚܝܬܐ.. ܝܗܒܠ ܚܝܠܐ ܠܕܝܠܝ̈ܬܐ ܕܡܩܘܝܢܘܬܢ).

ܘܕܟܪܗ ܪܫܐ ܕܣܝܥܬܐ ܕܛܘܝܒܐ ܕܣܝܡܦܘܙܝܘܡ ܣܦܪܐ ܘܟܬܘܒܐ “ܦܛܪܘܣ ܢܒܬܝ”، (ܒܘܨܝ̈ܐ ܒܕ ܚܒܫܝ ܓܝܓܼܠ̈ܐ ܡܫܚܠܦ̈ܐ ، ܘܒܕ ܩܒܠܘܚ ܒܐܣܟܝܡܐ ܕܝܠܢܝܐ ܒܒܘܨܝ̈ܐ ܐܢܝ ܕܚܒܫܝ ܝܪܬܘܬܐ ܥܡܡܝܬܐ ܣܘܪܝܝܬܐ، ܐܡܢ̈ܐ ܚܙܝ̈ܐ ܘܐܘܡܢܘ̈ܬܐ ܣܘܪ̈ܝܝܐ، ܡܘܣܝܩܐ ܘܙܡܝܪܬܐ ܣܘܪܝܝܬܐ، ܒܐܡܐ ܣܘܪܝܝܐ ܘܐܡܢ̈ܐ ܒܐܡܝ̈ܐ ܘܣܝܢܡܐ، ܚܝܘܬܐ ܕܩܘܪ̈ܝܐ ܣܘܪ̈ܝܝܐ، ܝܘܕܥܐ ܣܘܪܝܝܐ ܘܐܝܟܢܝܘܬܐ ܕܛܘܪܢܬܐ ܕܥܒܕܗ)، ܘܪܡܙܠܗ ܠܡܘܥܕܐ ܐ̄ܚܪܝܐ ܠܫܩܠܬܐ ܕܒܘܨܝ̈ܐ ܡܢ ܒܨܘܝ̈ܐ ܘܐܟܕܝܡܝ̈ܐ ܒܥܝܢ̈ܐ ܒܫܘܬܦܬܐ ܝܠܗ ܒܣܝܩܘܡ 15 ܡܢ ܝܪܚܐ ܕܚܙܝܪܢ ܐܬܝܢܐ.

ܘܡܫܪܪ ܣܝܡܦܘܙܝܘܡ ܒܩܪܝܬܗ ܠܒܨܘܝ̈ܐ ܕܠܫܢܐ ܣܘܪܝܝܐ ܠܐܝܠܗ ܠܫܢܐ ܠܝܬܘܪܓ̰ܝܐ ܕܒܨܘܪܘܬܐ ܬܘܕܝܬܢܝܬܐ ܬܪܟܬܐ ܒܡܕܢܚܐ ܡܨܥܝܐ ܐܠܐ ܒܚܫܒܢܬܗ ܠܫܢܐ ܕܡܪܕܘܬܐ ܕܚܕ ܥܡܐ ܫܪܫܝܐ ܒܕܪܐ ܚܕܬܐ، ܘܒܕ ܬܢܝ ܡܫܘܬܦ̈ܐ ܠܐܝܟܢܝܘܬܐ ܕܡܨܝܬܐ ܕܠܫܢܐ ܘܡܪܕܘܬܐ ܣܘܪܝܝܬܐ ܠܦܝܫܬܐ ܘܐܡܝܢܝܘܬܐ ܒܝܘܪܟܐ ܕܐܢܝ ܙܒܢ̈ܐ ܫܒܼܘܩ ܡܢ ܪܒܐ ܡܢ ܣܩܘܒܠܝ̈ܘܬܐ ܐܢܝ ܕܟܠܝ ܕܪܩܘܒܠ ܐܡܝܢܘܬܐ ܕܐܝܬܘܬܗ.

ܘܒܚܘܬܡܐ ܕܣܘܘܕܗ ܐܝܬܠܗ ܣܒܼܪܐ “ܢܒܬܝ” ܕܣܩܒܠܐ ܣܝܥܬܐ ܕܛܘܝܒܐ ܕܣܝܡܦܘܙܝܘܡ ܒܘܨܝ̈ܐ ܚܕܪ ܟܡܝܘܬܐ ܕܐܣܘܪܐ ܕܠܫܢܐ ܣܘܪܝܝܐ ܒܩܐܡ ܡܪܕܘܬܢܝܐ ܐܕܝܘܡ، ܥܡ ܐܣܛܪ̈ܛܝܓܼܝܐ ܕܡܩܘܝܢܘܬܐ ܕܥܡܢ ܘܦܝܫܬܗ ܒܕܥܬܝܕ ܥܠ ܐܪ̈ܥܬܗ ܫܪ̈ܫܝܐ.

ܘܦܝܫ ܕܟܝܪܐ، ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܒܕ ܦܝܫ ܩܛܝܪܐ ܒܐܘܢܐ ܕܠܘܡܕ̈ܐ ܕܦܛܪܝܪܟܐ ܡܪܝ ܝܘܣܦ ܫܬܝܬܝܐ ܐܘܕܘ ܒܕܝܪܐ ܕܣܗܕܐ ܓ̰ܒܪܐܝܠ ܕܐܢܒܘ، ܓܘ ܥܢܟܒܐ ܒܐܪܒܝܠ، ܘܒܕ ܚܒܫ ܣܥܘܪ̈ܘܬܐ ܠܩܢܛܪܘܢ ܡܪܕܘܬܢܝܐ ܕܢܛܪܬܐ ܕܣܪ̈ܝܛܬܐ ܣܘܪ̈ܝܝܐ، ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܘܩܢܛܪܘܢ ܕܡܟܬܒܼܢܘܬܐ ܪܩܡܝܬܐ ܕܣܪ̈ܝܛܬܐ ܡܕܢܚܝ̈ܐ.

ܘܠܝܕܥܬܐ ܕܫܪ̈ܛܐ ܘܡܩܪܒܬܐ ܡܚܝ ܥܠ ܐܣܘܪܐ ܕܐܬܐ :

ܠܫܢܐ ܥܪܒܝܐ : https://mardutha.com/events/%d8%a7%d9%84%d8%b3%d9%8a%d9%85%d8%a8%d9%88%d8%b2%d9%8a%d9%88%d9%85-%d8%a7%d9%84%d8%b3%d8%b1%d9%8a%d8%a7%d9%86%d9%8a-%d8%a7%d9%84%d8%a3%d9%88%d9%84/?fbclid=IwAR0N8lNr3MCGWibc346Bn3rG1sx9tKPSbeMHuSWQp3sUIHX0i3d6Fym4rIY

ܠܫܢܐ ܐܢܓܠܝܙܝܐ : https://mardutha.com/en/events/call-for-papers/?fbclid=IwAR1XZyjO8VBTLSB73qU18logE4VMMyMif3UdQ9T07TNB2e8sXEiHe7Hz37U