ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܠܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܡܚܘܪܐ ܐܘܡܬܢܝܐ ܪܒܐ “ܐܦܪܝܡ ܫܡܥܘܢ ܒܝܬ ܝܘܣܦ” ، ܗܘ ܕܡܫܘܢܐܠܗ ܒܥܠܬܐ ܕܟܘܪܗܢܐ ܥܣܩܐ، ܝܘܡ ܚܕܒܫܒܐ 21 ܢܝܣܢ 2024، ܒܥܘܡܪܐ ܕ(76) ܓܘ ܒܝܬ ܟܪ̈ܝܗܐ ܕܫܝܟܓܼܘ ܒܐܘܚܕܢܐ ܕܐܠܝܢܘܝ ܐܡܪܝܟܝܐ.
ܘܡܩܪܒܐ ܡܕܒܪܢܘܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ܠܐ̄ܢܫܝ̈ܗ ܘܡܚܒܢ̈ܗ ܒܘܝܐܐ ܘܣܘܠܝܐ، ܘܛܠܒܘܚ ܡܢ ܡܪܝܐ ܕܡܫܪܐ ܡܢܚܐ ܒܪܚܡܗ ܪܒܬܐ ܒܡܠܟܘܬܗ ܫܡܝܢܝܬܐ ܘܝܗ̄ܒܠ ܐ̄ܢܫܝ̈ܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܕܟܝܪܐ، ܕܡܚܘܪܐ “ܐܦܪܝܡ ܫܡܥܘܢ ܒܝܬ ܝܘܣܦ”، ܝܠܗ ܚܕ ܡܚܘܪܐ ܐܘܡܬܢܝܐ ܙܡܝܪܝܐ، ܟܬܒܠܗ ܪܒܐ ܡܢ ܙܡܪ̈ܝܬܐ ܢܒܗܝ̈ܐ ܘܐܘܡܬܢܝ̈ܐ ܠܪܒܐ ܡܢ ܐܡܢ̈ܐ ܕܥܡܢ ܐܝܟ ܛܘܦܣܐ ( ܒܝܒܐ ، ܣܪܓܘܢ ܓܒܪܐܝܠ ، ܓ̰ܐܢ ܕܫܬܘ).