ܡܫܘܬܦܠܗ ܒܝܬ ܐܪ̈ܟܐ ܣܘܪܝܝܐ ܢܩܝܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܚܕܐ ܙܘܝܬܐ ܕܝܠܢܝܬܐ ܠܓܠܚܐ ܕܟܬܒ̈ܐ ܘܦܪ̈ܝܣܬܐ ܣܘܪ̈ܝܝܐ ܓܘ ܒܝܬ ܓܠܚܐ ܕܐܪܒܝܠ ܬܒܠܝܐ ܕܟܬܒܐ ܒܢܘܣܟܗ ܕܫܬܥܣܪ، ܗܝ ܕܦܝܫ ܥܒܝܕܐ ܠܡܬܚܐ ܡܢ 17-27 ܢܝܣܢ 2024، ܥܠ ܐܪܥܐ ܕܒܬܝ̈ ܓܠܚ̈ܐ ܬܒܠܝ̈ܐ ܓܘ ܐܪܒܝܠ ܘܬܚܘܬ ܪܘܫܡܐ ( ܩܪܝ… ܢܗܝܪܘܬܘܟ ܠܐܝܠܗܿ ܐܘܡܢܝܬܐ).
ܘܚܒܫܠܗܿ ܙܘܝܬܐ ܕܝܠܢܝܬܐ ܒܒܝܬ ܐܪ̈ܟܐ ܣܘܪܝܝܐ، ܦܪ̈ܝܣܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܗܝ ܕܐܬܝܠܗܿ ܓܘ ܚܕܐ ܙܘܝܬܐ ܦܪܝܫܬܐ ܕܘܙܝܪܘܬ ܡܪܕܘܬܐ ܘܥܠܝܡ̈ܐ، ܒܢܝܫܐ ܕܡܝܕܥܬܐ ܘܓܠܝܬܐ ܕܟܬܒ̈ܐ ܣܘܪ̈ܝܝܐ ܘܛܒܝܥ̈ܬܐ ܕܘܙܝܪܘܬ ܡܪܕܘܬܐ ܗܝ ܕܝܨܦܐ ܒܡܪ̈ܕܘܬܐ ܘܐܡܢ̈ܐ ܕܡܟܝܢ̈ܬܐ ܐܘܡܬܢܝ̈ܐ ܘܬܘܕܝܬܢܝ̈ܐ ܡܫܚܠܦ̈ܐ ܒܩܠܝܡܐ ܕܟܘܪܕܣܬܢ.
ܘܦܝܫ ܕܟܝܪܐ، ܕܒܝܬ ܓܠܚܐ ܕܐܪܒܝܠ ܬܒܠܝܐ ܕܟܬܒܐ ܒܢܘܣܟܗ ܕ 16 ܦܝܫ ܥܒܝܕܐ ܒܥܘܕܪܢ ܒܝܢܬ ܫܘܬܐܣܐ ܕ(ܡܕܐ) ܕܝܘܕܥܐ ܘܡܪܕܘܬܐ ܘܐܡܢ̈ܐ ܥܡ ܘܙܝܪܘܬ ܡܪܕܘܬܐ ܘܥܠܝܡ̈ܐ ܓܘ ܩܠܝܡܐ ܕܟܘܪܕܣܬܢ، ܒܫܘܬܦܬܐ ܕܙܘܕܐ ܡܢ (300) ܒܝܬ ܦܪܣܐ ܡܢ ܩܠܝܡܐ ܕܟܘܪܕܣܬܢ ܘܥܝܪܩ ܘܐܬܪ̈ܘܬܐ ܥܪ̈ܒܝܐ ܘܢܘܟܪ̈ܝܐ.
