ܒܬܪܝ ܢܘܣܟ̈ܐ ܘܪ̈ܩܝܐ ܘܐܠܟܬܪ̈ܘܢܝܐ، ܡܘܦܩܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܢܝܢܐ ܚܕܬܐ ܡܢ ܡܓܠܬܐ ܕ( ܒܢܐܦܠ) (ܪܒܝܥܐ 2023) ܛܥܝܢܐ ܫܫܠܬܐ (48) ܕܦܝܫܐ ܐܡܝܢܝܬܐ ܓܘܗܿ ܡܓܠܬܐ ܒܡܐܙܠܬܗܿ ܡܒܥܢܬܐ ܫܒܘܩ ܡܢ ܟܠ ܥܣܩܘ̈ܬܐ.
ܫܘܪܐܠܗ ܡܢܝܢܐ ܒـ ( ܡܡܠܐ ܩܕܡܝܐ) ܒܝܕ ܪܫ ܣܝܘܡܘܬܐ ܐ̄ܡܪܗ ܓܘܗ : ((ܒܠܟܐ ܕܡܢ ܚܩܐܝܠܗ ܕܐܡܪܚ ܕܥܣܩܘ̈ܬܐ ܘܩܛܪ̈ܐ ܐܢܝ ܕܟܠܝ ܕܪܩܘܒܠ ܡܓܠܬܐ ܕܒܢܐܦܠ ܓܘ ܡܐܙܠܬܗܿ ܚܕܬܐ ܒܬܪ ܢܦܘܩܘܬܗܿ ܚܕܬܐ ܫܘܚܠܦܠܗܘܢ ܠܚܝܠܐ ܕܥܒܕ ܡܥܒܕܢܘܬܐ ܒܪܘܚܐ ܕܦܘܠܚܢܐ ܓܢ̄ܒ ܚܝܘܪ̈ܐ ܥܠܗܿ ܘܦܠܚ̈ܐ ܓܘܗܿ ܘܥܡ ܟܬܘܒ̈ܗܿ. ܐܠܐ ܥܣܩܐܗ̄ܘܐ ܕܐܢܝ ܩܛܪ̈ܐ ܕܝܗ̄ܘܐ ܚܕܐ ܥܠܬܐ ܕܝܗ̄ܒܠܗܘܢ ܚܝܠܐ ܠܡܩܪܒܬܐ ܕܙܘܕܐ ܡܢ ܥܡܠ̈ܐ ܕܦܝܫܐ ܐܡܝܢܝܬܐ ܡܓܠܬܘܟܢ ܒܡܐܙܠܬܗܿ، ܕܡܦܫܛܝ ܐܘܪܚܐ ܩܕܡܗܿ ܟܡܐ ܕܡܨܝ، ܘܡܒܨܪܝ ܩܛܪ̈ܐ ܘܥܣܩܘ̈ܬܐ ܕܕܥܪܐ ܒܢܐܦܠ ܠܢܦܘܩܘܬܐ. ܘܐܢ ܦܝܫܠܗܘܢ ܒܗܪ̈ܗܿ ܛܫܝ̈ܐ ܒܚܕ ܡܬܚܐ ܟܪܝܐ ܐܠܐ ܫܡܫܗܿ ܠܐ ܓܢܝܐ)).
ܘܚܬܡܠܗ ܡܡܠܐ ܕܝܗ̄ܒܠܗ ܘܥܕܐ ܠܩܪ̈ܘܝܐ (( ܕܦܝܫܐ ܐܡܝܢܝܬܐ ܡܓܠܬܘܟܢ ܒܢܐܦܠ ܡܐܙܠܬܗܿ ܡܒܥܢܬܐ ܒܣܢܕܬܘܟܢ ، ܘܥܘܕܪܢܐ ܕܟܠܝܗܝ ܡܒܥܢ̈ܐ ܘܟܬܘܒ̈ܐܐܢܝ ܕܡܩܪܒܝ ܟܠ ܡܢܕܝ ܚܕܬܐ ܘܡܘܬܪܢܐ ܘܦܪܝܫܐ)).
ܒܕ ܩܪܝܬܘܢ ܒܗܢ ܡܢܝܢܐ ܡܠܘ̈ܐܐ ܡܫܚܠܦ̈ܐ ܡܢ ܒܘܨܝ̈ܐ ܘܪ̈ܫܝܬܐ ܘܡܐܡܪ̈ܐ ܘܡܫܘܚܝ̈ܬܐ ܡܚܪ̈ܝܐ ܥܡ ܡܩܒܠܢܘܬܐ ܣܘܘܕܝܬܐ ܘܐ̄ܚܪ̈ܢܐ ܚܒܫܝ ܟܠܝܗܝ ܡܢܘ̈ܬܐ.
ܘܦܝܫ ܕܟܝܪܐ ܕܡܓܼܠܬܐ ܕܒܢܐܦܠ ܝܠܗܿ ܐܩܡܝܬܐ ܡܪܕܘܬܢܝܬܐ ܢܦܩܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܒܐܪܒܥܐ ܠܫܢ̈ܐ ( ܣܘܪܝܝܐ ܘܥܪܒܝܐ ܘܩܘܪܕܝܐ ܘܐܢܓܠܝܙܝܐ)، ܡܪܐ ܕܦܘܪܫܢܐ: ܘܙܝܪܐ ܕܡܪܕܘܬܐ ܘܥܠܝܡ̈ܐ ، ܪܫ ܣܝܘܡܘܬܐ : “ܟܠܕܘ ܪܡܙܝ ܐܘܓܼܢܐ” ܘܢܛܪ ܐ̄ܪܙܐ ܕܣܝܘܡܘܬܐ : ” ܓ̰ܘܪܓ̰ܝܢܐ ܒܗܢܡ ܚܒܒܐ“.