ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܘܡܝܩܪܐ “ܒܪܢܪܕ ܝܘܣܦ ܥܫܘܪ” ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ، ܐܝܙܓܕܘܬܐ ܡܢ ܩܠܝܬܐ ܕܬܓܪܘܬܐ ܐܡܪܝܟܝܬܐ- ܟܠܕܝܬܐ ܐܬܝܢܬܐ ܡܢ ܐܘܚܕܢ̈ܐ ܡܚܝܕ̈ܐ ܕܐܡܪܝܟܐ / ܡܫܝܓܢ، ܒܛܘܝܒܐ ܕܡܝܩܪܐ ” ܐܢܘ ܓ̰ܘܗܪ” ܘܙܝܪܐ ܕܡܘܒܠܢܘܬܐ ܘܛܘܦܝ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܘܡܝܩܪܐ “ܪܐܡܝ ܢܘܪܝ ܣܝܐܘܫ”ܩܝܡܩܡܐ ܕܪܘܣܬܩܐ ܕܥܢܟܒܐ، ܝܘܡܐ ܕܫܒܬܐ 26 / 11/ 2022 ܓܘ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ .
ܒܬܪ ܩܒܠܬܐ ܒܫܝܢܐ، ܫܡܥܠܗܿ ܐܝܙܓܕܘܬܐ ܣܥܘܪܬܐ، ܗܝ ܒܪܫܢܘܬܐ ܕ”ܡܐܪܬܢ ܡܢܐ ” ܪܫܐ ܕܩܠܝܬܐ، ܠܦܘܫܩܐ ܟܪܝܐ ܚܕܪ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܥܢܟܒܐ، ܒܪܝܬܗ ܘܡܫܩܠ̈ܐ ܕܛܘܪܢܬܗ، ܘܦܪܝܫܐܝܬ ܬܪܡܝܬܐ ܕܛܘܪܢܬܐ ܗܝ ܕܐܡܝܢܐܝܠܗ ܦܘܠܚܢܐ ܓܘ ܡܫܩܠܗ ܢܩܘܦ̈ܐ ܒܥܘܕܪܢܐ ܥܡ ܘܟܝܠܘܬܐ ܐܡܪܝܟܝܬܐ ܕܫܘܘܚܐ ( ܡܪܒܝܬܐ) ܬܒܠܝܬܐ USAID ܘܐܘܝܘܬܐ ܕܥܬܩ̈ܐ ، ܓܘ ܬܪܡܝܬܐ ܕ( ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܒܨܘܪ̈ܘܬܐ ܓܘ ܥܝܪܩ)، ܘܥܡ ܡܝܕܥܬܐ ܒܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܡܫܚܠܦ̈ܐ ܘܦܪ̈ܝܫܐ ܐܢܝ ܟܡ ܛܟܣܐܠܗܘܢ ܒܡܬܚܐ ܐ̄ܚܪܝܐ.
ܒܬܪ ܗܕܟ ܚܕܪܗܿ ܐܝܙܓܕܘܬܐ ܣܥܘܪܬܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܫܡܥܠܗܿ ܠܦܘܫܩܐ ܡܠܝܐ ܚܕܪ ܦܪܣܬܗ ܬܫܥܝܬܢܝܬܐ ܘܐܝܬܘ̈ܬܗ ܝܪ̈ܬܘܬܢܝܐ ܘܡܐ ܕܚܒܫ ܐܘܢܗ ܡܪܕܘܬܢܝܐ ܡܢ ܨܘܪ̈ܬܐ ܘܫܪܒܐ ܕܚܝ̈ܐ ܕܩܘܝܡܐ ܡܪܕܘܬܢܝܐ ܘܪܢܝܝܐ ܘܐܡܢܝܐ ܘܐܘܡܬܢܝܐ ܕܒܢܝ̈ ܥܡܢ.
ܘܡܚܘܬܬܠܗܿ ܐܝܙܓܕܘܬܐ ܣܥܘܪܬܐ ܥܠ ܐܢܢܩܝܘܬܐ ܕܬܢܝܬܐ ܕܐܝܟ ܐܢܝ ܣܥܘܪ̈ܘܬܐ ܠܡܝܕܥܬܐ ܒܩܐܡ ܡܪܕܘܬܢܝܐ ܘܐܡܢܝܐ ܓܘ ܐܬܪܐ، ܘܚܙܝܬܐ ܕܫܘܡܠܝܐ ܪܒܐ ܒܓܢ̄ܒܐ ܡܪܕܘܬܢܝܐ ܘܡܘܩܪܒܠܗܘܢ ܩܘܒܠܛܝܒܘܬܝܗܝ ܘܐܝܩܪܝܗܝ ܠܟܠܝܗܝ ܥܡܠ̈ܐ ܡܘܩܪܒܐ ܒܢܛܪܬܐ ܘܬܪܨܬܐ ܕܗܕ ܝܪܬܘܬܐ ܫܪܫܝܬܐ ܘܡܩܪܒܬܗ ܠܝܘܒܠ̈ܐ ܐܬܝܢ̈ܐ ܒܚܕ ܐܣܟܝܡܐ ܒܫ ܫܦܝܪܐ.
