ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ”، ܒܝܘܡ ܐܪܒܥܒܫܒܐ 13 ܐܕܪ 2024، ܓܘ ܒܝܬ ܥܬܩ̈ܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܩܢܨܠܐ ܐܡܪܝܟܝܐ ܓܘܢܝܐ ܓܘ ܐܪܒܝܠ ” ܡܐܪܟ ܣܬܪܘ”، ܒܚܒܪܘܬܐ ܕܥܕܘܪܬܐ ܕܪܫܐ ܕܡܫܕܪܘܬܐ ܕܘܟܝܠܘܬܐ ܐܡܪܝܟܝܬܐ ܕܫܘܘܚܐ (ܡܪܒܝܬܐ) ܬܒܠܝܬܐ ܓܘ ܥܝܪܩ “ܢܐܢܣܝ ܟܘܕܦܪܝ”، ܒܛܘܝܒܐ ܕܡܕܒܪܢܐ ܕܒܝܬ ܥܬܩ̈ܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ” ، ܒܢܝܫܐ ܕܚܙܝܬܐ ܕܬܪ̈ܡܝܬܐ ܐܢܝ ܕܥܒܕܠܗܘܢ ܒܝܬ ܥܬܩ̈ܐ ܕܝܪܬܘܬܐ ܣܘܪܝܝܬܐ ܒܥܘܕܪܢ ܥܡ ܘܟܝܠܘܬܐ.
ܘܟܪܟܠܗܘܢ ܬܪܝ ܐܪ̈ܚܐ ܒܡܢܘ̈ܬܐ ܕܒܝܬ ܥܬܩ̈ܐ ܘܚܙܐܠܗܘܢ ܠܡܬܩܕܡܢܘܬܐ ܕܐܝܬ ܓܘ ܬܪ̈ܡܝܬܐ ܐܢܝ ܕܩܝܡ ܓܘܝܗܝ ܒܝܬ ܥܬܩ̈ܐ ܒܥܘܕܪܢ ܥܡ ܘܟܝܠܘܬܐ، ܘܦܪܝܫܐܝܬ ܬܪܡܝܬܐ ܕ( ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܒܨܘܪ̈ܘܬܐ ܓܘ ܥܝܪܩ) ܗܝ ܝܠܗܿ ܒܪܥܝܘܬ (USAID ) ، ܘܗܝ ܕܫܒܩܠܗܿ ܡܕܒܪܢܘܬܐ ܓܘܢܝܬܐ ܕܢܛܪܐ ܝܪܬܘܬܐ ܣܘܪܝܝܬܐ ܘܗܘܝܐ ܒܐܝܕܐ ܕܒܨܘܝ̈ܐ.
ܘܦܝܫ ܕܟܝܪܐ ، ܕܒܝܬ ܥܬܩ̈ܐ ܕܝܪܬܘܬܐ ܣܘܪܝܝܬܐ ܫܘܪܐܠܗ ܒܬܫܪܝܢ ܩܕܡܝܐ 2023 ܡܫܩܠܐ ܬܪܝܢܐ ܡܢ ܬܪܡܝܬܐ ܕ( ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܒܨܘܪ̈ܘܬܐ ܓܘ ܥܝܪܩ) ܒܥܘܕܪܢ ܥܡ ܘܟܝܠܘܬܐ ܐܡܪܝܟܝܬܐ ܕܫܘܘܚܐ (ܡܪܒܝܬܐ) ܬܒܠܝܬܐ USAID ، ܘܐܘܝܘܬܐ ܕܥܬܩ̈ܐ،
