ڕۆشنبیرى سریانى پیرۆزبایى لە بریکارى وەزارەتى ڕۆشنبیرى و لاوان دەکات بە بۆنەى وەرگرتنى پۆستە نوێیەکەى

ڕۆژى دووشەممە 13ى شوبات 2023 ، شاندێکى بەڕێوەبەرایەتى گشتى ڕۆشنبیرى و هونەرى سریانى بە سەرۆکایەتى بەڕێوەبەرەى گشتى بەڕێز کلدو رمزى أوغنا و بەڕێزان فؤاد شمعون بەڕێوەبەرى کارگێرى و دلاوەر مەرقۆس لێپرسراوى پەیوەندییە گشتییەکان و ژمارەیەک لە فەرمانبەرى بەڕێوەبەرایەتى و سەردانى بەڕێز ئاریان سەڵاحەددین بریکارى نوێى وەزارەتى ڕۆشنبیرى و لاوانیان کرد بە مەبەستى پێشکەشکردنى پیرۆزباى بە بۆنەى وەرگرتنى پۆستە نوێیەکەى و بەڕێزیان سەرسامى خۆى دەربڕى بۆ ئەو چالاکییە جۆراوجۆرانەى کە بەڕێوەبەرایەتى گشتى ڕۆشنبیرى و هونەرى سریانى ئەنجامیان دەدات لە پێناو چالاککردنى بزاڤى ڕۆشنبیرى لە گشت لایەکدا . لەلاى خۆشیەوە أوغنا سوپاس و پێزانینى خۆى بۆ رۆلى وەزارەتى ڕۆشنبیرى و لاوان دەربڕى بۆ پاڵپشتى کردنى سەرجەم چالاکییەکانى .

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Share via
Copy link
Powered by Social Snap