ܒܝܘܪܟܼܐ ܕܡܬܼܚܐ ܕܗܦܟܝ̈ܬܘܟܼ ܒܕ ܗܘܝܐ ܒܬܪܘܟ ܫܡܫܘܟܼ.. ܒܕ ܝܗ̄ܒܼܐܠܘܼܟܼ ܠܒܐ ܓܘ ܚܝܠܘܟܼ ، ܒܕ ܒܗܪܐ ܝܘܡ̈ܬܘܟܼ ܚܫܟܢ̈ܐ ܘܒܕ ܡܫܚܢܐ ܝܪ̈ܩܢܐ ܒܓܘܝ̈ܐ ܕܠܒܘܟܼ ܕܓܪܘܣܝ ܘܦܝܫܝ ܦܪ̈ܚܘܢܝܬܐ…
ܡܢ ܦܘܬܚܐ ܕܟܬܒܼܐ ܕ(ܫܡܫܝ- شمسي) ܦܪܣܬܐ ܚܕܬܐ ܡܢ ܫܫܠܬܐ ܕܡܪܕܘܬܐ ܣܘܪܝܝܬܐ ܕܟܬܘܒܼܬܐ “ܣܐܦܿܐ ܨܠܝܒܿܐ ” ܡܢ ܕܗܘܟ
ܢܦܩܠܗ ܚܪܬܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܡܢ ܫܫܠܬܐ ܕܡܪܕܘܬܐ ܣܘܪܝܝܬܐ ܢܩܝܦܬܐ ܠܒܝܬ ܐܪ̈ܟܐ ܣܘܪܝܝܐ ܟܬܒܐ ܒܫܡܐ ܕ(ܫܡܫܝ- شمسي) ܕܣܝܘܡܬܗ “ܣܐܦܿܐ ܨܠܝܒܿܐ ” ܡܢ ܗܘܦܪܟܝܐ ܕܕܗܘܟ ، ܘܝܠܗ ܦܪܣܬܗܿ ܩܕܡܝܬܐ ܘܚܒܫ ܟܬܒܐ ܬܚܡܠܝ̈ܬܐ ܡܫܚܠܦ̈ܐ ܙܥܘܪ̈ܐ ܡܪ ܢܝܫ̈ܐ ܟܡ ܪܫܡܐܠܗܘܢ ܟܬܘܒܼܬܐ ܒܥܝܢ̈ܐ ܡܠܝ̈ܐ ܡܢ ܣܒܼܪܐ ܥܠ ܚܝܘܬܐ.. ܕܘܒܪ̈ܐ … ܥܠ ܚܘܒܐ ܘܡܠܘ̈ܐܐ ܐ̄ܚܪ̈ܢܐ… ܟܐܡܪܐ ܟܬܘܒܬܐ ܗܝ ܟܡܫܡܗܐ ܟܬܒܗܿ(ܢܝܫܐ ܕܟܬܒܝ ܝܠܗ ܠܣܗܡܐ ܕܥܠܝܡ̈ܐ.. ܟܕ ܪܒܐ ܡܢܝܗܝ ܠܐ ܓܠܝ ܡܐ ܕܐܝܬ ܒܓܘܝ̈ܬܝܗܝ ܐܘ ܠܐ ܝܕܥܝ ܕܐܝܟ ܓܠܝ ، ܘܠܡܢܝ. ܗܘ ܡܢܕܝ ܝܠܗ ܥܠܬܐ ܒܐ̄ܣܪܬܐ ܕܪܒܐ ܪ̈ܓܫܝܬܐ، ܒܠܟܐ ܕܚܙܬ ܚܕܐ ܪܓܫܬܐ ܕܝܗ̄ܘܐ ܥܡܘܟܼ ܒܚܕ ܡܢ ܝܘܡܢ̈ܐ ܒܥܕܢܐ ܕܩܪܝܬܘܟ ܚܕܐ ܡܢ ܦܬܘ̈ܬܐ ܕܗܢ ܟܬܒܐ. ܟܠ ܚܕ ܦܣܘܩܐ ܠܚܕܐ ܦܪܨܘܦܝܘܬܐ ܕܝܠܢܝܬܐ، ܚܕܐ ܡܢܝܗܝ ܚܝܠܢܬܐ ܘܗܝ ܐ̄ܚܪܬܐ ܡܚܝܠܬܐ ܘܗܝ ܐ̄ܚܪܝܬܐ ܡܠܝܬܐ ܡܢ ܚܘܒܐ. ܐܢ̄ܬ ܡܓܒܬ ܠܦܣܘܦܐ ܕܗܘ ܕܕܡܐܠܘܟܼ) ، ܚܒܫ ܟܬܒܐ (74) ܦܬܘ̈ܬܐ ܘܒܓܘܫܡܐ ܡܨܥܝܐ ܘܛܥܝܢܐ ܫܫܠܬܐ (69) ܡܢ ܫܫܠܬܐ.