ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܡܫܪܝܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܚܕܒܫܒܐ 21 ܢܝܣܢ 2024، ܡܫܕܪܘܬܐ ܡܢ ܕܝܪܝܘܬܐ ܕܒܢ̈ܬܐ ܕܠܒܐ ܕܝܫܘܥ ܩܕܝܫܐ ܘܚܒܫܠܗܿ ܡܫܕܪܘܬܐ ܩܝܘܡܐ ܕܪܫ ܕܝܪܝܘܬܐ ܚܬܐ ” ܣܢܐܐ ܝܘܣܦ ܚܢܐ” ܗܝ ܕܝܠܗܿ ܒܕܪܓܼܐ ܕܪܫ ܟܠܢܝܘܬܐ ܕܒܒܠ ܕܬܐܘܠܘܓܼܝܐ، ܒܚܒܪܘܬܐ ܕܡܕܒܪܢܝܬܐ ܕܒܝܬ ܫܒܼܪܐ ܢܩܝܦܐ ܠܕܝܪܝܘܬܐ ܚܬܐ “ܢܐܪܝܡܐܢ ܓܒܼܪܐܝܠ ܓܝܘܪܓܝܣ” .
ܘܕܪܫܠܗܘܢ ܬܪܘܝܗܝ ܓܢ̈ܒܢ̈ܐ ܒܬܦܩܬܐ ܠܟܫܝܪ̈ܘܬܐ ܘܥܒܘܕܘ̈ܬܐ ܟܢܘܫܝܝ̈ܐ ܒܫ ܐܢܢܩܝ̈ܐ ܐܢܝ ܕܟܡ ܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܒܡܬܚܐ ܥܒܝܪܐ، ܘܡܘܩܪܒܠܗ “ܐܘܓܼܢܐ” ܠܡܫܕܪܘܬܐ ܢܘܣܟܐ ܡܢ ܡܢܝܢܐ ܐ̄ܚܪܝܐ ܡܢ ܡܓܠܬܐ ܕ(ܒܢܐܦܠ) ܗܝ ܕܢܦܩܐ ܐܩܡܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ.
