ܡܘܝܕܥܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܕܦܪܘܦܝܣܘܪܐ ܒܪܝܛܢܝܐ “ܣܝܒܣܬܝܐܢ ܒܪܘܟ” ܒܕ ܗܘܐ ܐܪܚܐ ܕܐܝܩܪܐ ܓܘ ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܗܘ ܕܒܥܝܐ ܡܕܒܪܢܘܬܐ ܩܛܪܬܗ ܒܥܘܕܪܢ ܥܡ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ، ܒܫܘܪܝܐ ܕܐܝܠܘܠ ܐܬܝܢܐ، ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܦܪܘܦܝܣܘܪܐ” ܣܝܒܣܬܝܐܢ ܒܪܘܟ” Sebastian P. Brock، ܗܘ ܡܫܡܗܐ ܒ(ܒܒܐ ܕܣܦܪܘܬܐ ܣܘܪܝܝܬܐ ܒܕܪܐ ܩܐܡܝܐ)، ܘܡܢ ܐܟܕܝܡܝ̈ܐ ܡܚܒܢ̈ܐ ܕܣܦܪܘܬܐ ܣܘܪܝܝܬܐ، ܒܪܝܛܢܝܐ ܒܬܘܠܕܬܐ ܘܓܢܣܢܘܬܐ ، ܡܢ ܬܘܠܕܬܐ ܕܠܢܕܢ 1939، ܕܪܫܠܗ ܒܒܝܬ ܨܘܒܐ ܕܟܡܒܪܝܕܓ̰ ܕܠܫܢ̈ܐ ܝܘܢܢܝܐ ܘܠܬܝܢܝܐ ܘܒܬܪ ܗܕܟ ܥܒܪܝܐ ܘܐܪܡܝܐ، ܡܘܩܪܒܠܗ ܒܥܬܐ ܕܕܟܬܘܪܐ ܥܠ ܬܘܪܓܡܐ ܝܘܢܢܝܐ ܕܝܬܩܐ ܥܬܝܩܬܐ ܘܨܚܚܐ ܬܫܥܝܬܢܝܐ ܓܘ ܒܝܬ ܨܘܒܐ ܕܐܟܣܦܿܘܪܕ، ܒܬܪ ܗܕܟ ܫܘܢܐܠܗ ܠܒܝܬ ܨܘܒܐ ܕܒܪܡܢܓܼܗܐܡ ܘܩܝܡܠܗ ܒܡܕܪܫܢܘܬܐ ܕܠܫܢܐ ܥܒܪܝܐ ܘܬܫܥܝܬܐ ܕܝܬܩܐ ܥܬܝܩܬܐ ܘܝܘܢܢܝܐ ܓܘ ܟܬܒܐ ܩܕܝܫܐ ܘܡܠܘ̈ܐܐ ܐ̄ܚܪ̈ܢܐ، ܩܢܐܠܗ ܕܟܬܘܪܐ ܚܘܬܪܢܝܐ ܡܢ ܒܝܬ ܕܪܫܐ ܡܕܢܚܝܐ ܓܘ ܪܗ̄ܘܡܐ، ܘܡܢ ܬܪܝ ܒܬܝ̈ ܨܘܒ̈ܐ ܕܒܪܡܢܓܼܗܐܡ ܘܪܘܚܐ ܩܕܝܫܐ – ܐܠܟܣܠܝܟ.
ܘܦܝܫ ܡܚܘܫܒܢܐ “ܒܪܘܟ” ܒܚܝܪܐ ܒܓܝܓܠܐ ܕܕܪ̈ܫܝܬܐ ܐܟܕܝܡܝ̈ܐ ܕܠܫܢܐ ܣܘܪܝܝܐ ܟܠܣܝܟܝܐ ܘܣܦܪܘܬܐ ܣܘܪܝܝܬܐ ܟܠܣܝܟܝܬܐ، ܘܚܒܫ ܒܘܨܝܗ ܐܦ ܗܕܟ ܓܢ̄ܒܢ̈ܐ ܡܫܚܠܦ̈ܐ ܡܢ ܬܫܥܝܬܐ ܡܪܕܘܬܢܝܬܐ ܕܡܫܝܚܝܘܬܐ ܣܘܪܝܝܬܐ، ܘܡܢ ܣܝܡ̈ܗ ( ܟܬܒܐ ܕܚܟܼܡܬܐ ܕܐܝܣܚܩ ܣܘܪܝܝܐ) ܥܡ ܡܢܝܢܐ ܡܢ ܦܪ̈ܝܣܬܐ ܒܚܩܠܐ ܕܕܪ̈ܫܝܬܐ ܣܘܪ̈ܝܝܐ.
ܘܦܝܫ ܕܟܝܪܐ، ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܗܘ ܒܕ ܦܝܫ ܩܛܝܪܐ ܠܡܬܚܐ ܡܢ 5-8 ܐܝܠܘܠ ܐܬܝܢܐ، ܬܚܘܬ ܪܘܫܡܐ ” ܠܫܢܐ ܣܘܪܝܝܐ ܡܪܕܘܬܐ ܝ̄ܠܗ ܚܝܬܐ.. ܝܗܒܠ ܚܝܠܐ ܠܕܝܠܝ̈ܬܐ ܕܡܩܘܝܢܘܬܢ “، ܒܕ ܦܝܫ ܩܛܝܪܐ ܓܘ ܐܘܢܐ ܕܠܘܡܕ̈ܐ ܕܦܛܪܝܪܟܐ ܡܪܝ ܝܘܣܦ ܫܬܝܬܝܐ ܐܘܕܘ ܒܕܝܪ ܣܗܕܐ ܓ̰ܒܪܐܝܠ ܕܐܢܒܘ، ܓܘ ܥܢܟܒܐ ܒܐܪܒܝܠ، ܘܚܒܫ ܣܥܘܪ̈ܘܬܐ ܠܩܢܛܪܘܢ ܡܪܕܘܬܢܝܐ ܕܢܛܪܬܐ ܕܣܪ̈ܝܛܬܐ ܣܘܪ̈ܝܝܐ ، ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܘܩܢܛܪܘܢ ܕܡܟܬܒܼܢܘܬܐ ܪܩܡܝܬܐ ܕܣܪ̈ܝܛܬܐ ܡܕܢܚܝ̈ܐ.
ܠܡܩܪܒܬܐ ܕܒܘܨܝ̈ܐ ܘܕܪ̈ܫܝܬܐ ܠܫܘܬܦܬܐ ܓܘ (ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ) ܒܐܘܪܚܐ ܕܐܣܘܪܐ ܕܐܬܐ:
ܠܫܢܐ ܣܘܪܝܝܐ :
https://mardutha.com/…/%dc%a3%dc%9d%dc%a1%dc%a6%dc%98…/
ܠܫܢܐ ܐܢܓܠܝܙܝܐ :
https://mardutha.com/en/events/call-for-papers/
ܠܫܢܐ ܥܪܒܝܐ:
https://mardutha.com/…/%d8%a7%d9%84%d8%b3%d9%8a%d9%85…/