ܐܡܝܢܝܬܐܝܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܘܡܢ ܫܫܠܬܐ ܕܡܪܕܘܬܐ ܣܘܪܝܝܬܐ ܢܩܝܦܬܐ ܠܒܝܬ ܐܪ̈ܟܐ ܣܘܪܝܝܐ ܝܗ̄ܒܠܬܐ ܕܒܝܬ ܐܪ̈ܟܐ ܡܪܕܘܬܢܝܐ ܒܡܢܕܝ ܚܕܬܐ ܘܦܪܝܫܐ، ܡܘܦܩܠܗܿ ܝܘܡ ܬܠܬܒܫܒܐ 16 ܢܝܣܢ 2024، ܟܬܒܐ ܕ(ܬܘܪܨ ܡܡܠܐ ܕܠܫܢܐ ܐܪܡܝܐ) ܕܣܝܘܡܗ “ܣܐܡܝ ܕܝܫܘ”، ܚܒܫ ܚܡܫܝܢ ܦܣܘܩ̈ܐ، ܘܦܝܫ ܦܠܝܓ̄ܐ ܠܬܪܝܢ ܣܗܡ̈ܐ ܪ̈ܫܝܐ ܘܝܠܝܗܝ:
ܣܘܪܥܦܐ ܘܚܒܫ : ܚܫܚ̈ܬܐ ܦܪ̈ܕܢܝܐ ܡܢ ܡܢ̈ܘܬܐ ܕܡܡܠܐ: ܫܡܗ̈ܐ ܒܐܕܫܝ̈ܗܝ ܘܫܘܡܗ̈ܐ ܘܚܠܦܐ ܫܡܗ̈ܐ ܘܥܠ ܡܠܬܐ ܘܟܠ ܡܢܕܝ ܕܐܝܬܠܗ ܐܣܘܪܐ ܓܘܗ، ܘܥܡ ܬܘܪܨ ܡܡܠܐ ܕܓܕܡܐ ܘܒܝܬܝܘܬܐ ܘܙܘܥܪܐ ܘܐ̄ܚܪ̈ܢܐ. ܘܐܦ ܚܒܫ ܦܥ̈ܠܐ ܒܐܕܫܝ̈ܗܝ ܘܣܘܪܥܦܝܗܝ ܘܚܫܠܬܐ ܕܣܘܪܥܦܝܗܝ ܘܛܘܦܝܐ ܕܚܠܦ ܫܡܗ̈ܐ ܓܘܝܗܝ.
ܘܬܘܪܨ ܡܡܠܐ، ܐܘ ܐܝܟ ܡܫܡܗܝܠܗ ܡܠܫܢܢ̈ܐ ܪܘܟܒܐ ܕܡܡܠܐ، ܚܒܫ : ܥܒܼܘܕܐ ܘܐܕܫ̈ܐ ܕܥܒܼܝܕܐ ܘܫܘܪܝܐ ܘܛܒܐ ܘܙܢܐ ܘܦܘܪܫܢܐ ܘܝܬܝܪܘܬܐ ܘܫܘܪܪܐ ܘܚܘܠܦܐ ܘܥܛܘܦܝܐ ܘܐܕܫ̈ܐ ܕܐܬܘ̈ܬܐ ܘܐ̄ܚܪ̈ܢܐ ، ܥܡ ܩܢܘܢܝ̈ܗܝ ܒܡܩܪܒܬܐ ܘܬܘܚܪܬܐ ܘܫܝܦܬܐ ܐܝܟ ܒܠܫܢܐ ܥܪܒܝܐ.
ܡܦܩܢܘܬܐ ܚܕܬܐ ܛܥܢܐ ܪܩܡܐ (70) ܡܢ ܫܫܠܬܐ ܕܡܪܕܘܬܐ ܣܘܪܝܝܬܐ ܘܚܒܫܐ (336) ܦܬܘ̈ܬܐ ܘܒܓܘܫܡܐ ܪܒܐ.